ایبٹ آباد (وائس آف ہزارہ) اشتہاری مجرم مشر کی گرفتاری کیلئے چھاپہ: لائٹ مشین گن سمیت بھاری مقدار میں اسلحہ برآمد۔ اس ضمن میں پولیس ذرائع نے وائس آف ہزارہ کو بتایاکہ حویلیاں پولیس نے گزشتہ رات ڈھیری کیہال میں اشتہاری مجرم مشر ولد زرین کی گرفتاری کے سلسلہ میں چھاپہ زنی کی۔ تلاشی کے دوران اس کے گھر سے بھاری مقدار میں غیر قانونی اسلحہ برآمد کر لیا جبکہ اشتہاری مجرم کی عدم دستیابی پر موقع پر موجود اشتہاری مجرم کا بھائی سلیم ولد زرین کو گرفتار کر لیا گیا۔خانہ تلاشی کے دوران گھر سے ایک عدد لائٹ مشین گن بمعہ 762 کارتوس، ایک رائفل ایٹ ایم ایم، ایک بندوق بارہ بور، ایک عددپستول نائن ایم ایم اور دوسو کارتوس مختلف بور برآمد کر لیے گئے۔ گرفتار ملزم کے خلاف تھانہ حویلیاں میں دفعہ 15AA کے تحت مقدمہ درج کر لیا گیا مزید تفتیش جاری۔
