ہمارا فیس بک پیج

خون سفید ہوگیا۔ عیدالاضحی کے روز بھائی نے بھائی کوقتل کردیا۔

ایبٹ آباد: خون سفید ہوگیا۔ عیدالاضحی کے روز جانورقربان کرنے کی بجائے بھائی نے بھائی کوقتل کردیا۔جائیداد کے تنازعہ پر بھائی نے بھائی کو گولیاں مار کرقتل کردیا۔ اس ضمن میں تھانہ ناڑہ کے ذرائع نے وائس آف ہزارہ کو بتایاکہ گاؤں مساح گوجری کے رہائشی شان محمد کا اپنے بھائی محمد انور کیساتھ جائیداد وغیرہ کا تنازعہ چلا آرہاتھا۔ دونوں بھائیوں میں اس وجہ سے آئے روز جھگڑے بھی ہوتے رہتے تھے۔

عیدالاضحی کے روز محمد انور نے اندھا دھند فائرنگ کرکے اپنے حقیقی بھائی شان محمد کو قتل کردیا اور موقع سے فرار ہوگیا۔ واقع کی اطلاع ملتے ہی پولیس کی موقع پر پہنچ گئی۔ مقتول کی لاش کو پوسٹمارٹم کیلئے ڈی ٹائپ ہسپتال حویلیاں منتقل کیاگیا۔ ورثاء کی رپورٹ پر تھانہ ناڑہ میں محمد انور کیخلاف قتل کا مقدمہ درج کرکے پولیس نے گرفتاری کیلئے چھاپوں کا سلسلہ شروع کردیا ہے۔


شیئر کریں

Share on facebook
Facebook
Share on twitter
Twitter
Share on whatsapp
WhatsApp
Share on print
Print

اہم خبریں

error: Content is protected !!