تیرہ سالہ بچے کو قتل کرنے والے دو ملزمان گرفتار۔

مانسہرہ(وائس آف ہزارہ)شنکیاری کی حدود میں تیرہ سالہ بچے کے اندھے قتل کو 24گھنٹوں کے اندر ٹریس کرلیا گیا، ملزمان گرفتار، آلہ قتل چھری برآمد۔ملزمان میں آلائی بٹگرام حال محلہ ٹانگیاں ڈھوڈیال کے رہائشی محمد ادریس ولد عمر دین عمر تقریباانیس سال اور اسرار ولد عمر دین عمر تقریباسولہ سال شامل ہیں۔وجہ عداوت بھائیوں میں گھریلو ناچاقی۔
ذرائع کے مطابق تین ستمبرکو صبح سات بجے صبح سلطان احمد ولد عبدالحکیم سکنہ آلائی بٹگرام حال محلہ ٹانگیاں ڈھوڈیال نے اپنیتیرہ سالہ بچے محمد عثمان کی قتل کی رپورٹ پولیس کو،کی کہ کو مغرب کے وقت اُس کے بھتیجے اسرار ولد عمر دین نے اُس کے بیٹے عثمان کو کھیلنے کیلئے گھر سے بلا کر ہمراہ لے گیا مغرب کے بعد عثمان گھر واپس نہ آیا جسکی اپنی طور پر تلاش وپتہ براری کی گئی مگر دستیاب نہ ہوا صبح دوبارہ تلاش کے دوران بھاء عمر دین کے گھر کے عقبی جانب کھیت فصل مکئی سے بیٹے عثمان کی قتل شدہ خون مین لت پت نعش پڑی ہوئی ملی جس کو کسی نامعلوم شخص/اشخاص نے تیز دھار آلہ کے زریعے قتل کرکے نعش کھیت فصل مکئی میں پھینک دی ہے جبکہ برادر عمر دین اور اُس کے اہل خانہ کیساتھ اُسکی کی گھریلو ناچاقی چل رہی ہے۔مدعی کی رپورٹ پر شنکیاری پولیس نے نامعلوم ملزم / ملزمان کے خلاف مقدمہ درج کرکے تفتیش شروع کی۔
سپیشل ٹیم نے اندھے قتل کو ٹریس کرنے کے لیئے مختلف لوگوں کو شامل تفتیش کیا اور انٹاروگیشن شروع کی۔ پولیس نے محمد ادریس اور اسرار کو انٹاروگیٹ کیا تو دونوں ملزمان نے اعتراف جرم کرلیا۔پولیس نے ملزمان کی نشاندہی پر آلہ قتل چھری بھی برآمد کرلی ہے۔