ایبٹ آباد(وائس آف ہزارہ) بلدیاتی الیکشن میں بدمعاشی اور توڑپھوڑ کرنیوالے دس ملزمان کو گرفتار کرلیاگیا۔ اس ضمن میں پولیس ذرائع نے بتایاکہ تیس مارچ کو منعقد ہونے والے بلدیاتی انتخابات کے دوسرے مرحلے کے دوران تھانہ بگنوتر کی حدود میں انتخابی عمل کے دوران جھگڑا، بدمعاشی اور توڑپھوڑ کرنے والے دس ملزمان کو گرفتار کرلیاگیاہے۔ گرفتار ہونے والے ملزمان میں فیاض ولد رمضان، ذاکر ولد لال خان، حکمداد ولد لال خان، فیصل شہزاد ولد مصری خان، یاسر ولد اللہ داد، بلال ولد صفدر، ندیم ولد منصف، مسکین ولد ایوب، غلام دستگیر ولد زرداد اور لیاقت علی ولد محمد جان ساکنان چہان کو گرفتار کر لیا۔ملزمان کے خلاف تھانہ بگنوتر میں زیر دفعہ 436/ 353 / 186/ 427 / 506 / 147 / 148 پی پی سی کے تحت مقدمہ درج ہے۔
