ہری پور(وائس آف ہزارہ)ساٹھ سالہ شخص کو چھریوں کے پے درپے وار کرکے قتل کردیاگیا۔ اس ضمن میں ذرائع نے بتایاکہ گاؤں پھرالا کے رہائشی ساٹھ سالہ محمد جاوید ولد عبدالحق کی لاش صدر پولیس کو بانڈی میاں پیر داد سے ملی۔صدر پولیس کے مطابق مقتول کو چھریوں کے پے در پے وار کر کے قتل کیا گیا تھا۔صدر پولیس نے ضروری کاروائی کے بعد لاش ٹراما سینٹر بھیج دی۔ٹراما سینٹر میں پوسٹ مارٹم کے بعد لاش ورثا کے حوالے کر دی گئی۔صدر پولیس نے مقدمہ درج کر کے تفتیش شروع کردی ہے۔