ایبٹ آباد (وائس آف ہزارہ) بلدیاتی انتخابات: سٹی میئر کیلئے مظہر خان جدون کو گرین سگنل مل گیا۔ اس ضمن میں ذرائع نے بتایاکہ پاکستان تحریک انصاف کے دیرینہ رہنماء مظہر خان جدون آئندہ بلدیاتی انتخابات میں سٹی میئر کا الیکشن لڑنے جا رہے ہیں۔ کئی دیگر امیدوار بھی پاکستان تحریک انصاف کے سٹی میئر کے ٹکٹ کیلئے سرگرم عمل ہیں۔ ذرائع کے مطابق پاکستان تحریک انصاف کے قائدین کی جانب سے مظہر خان جدون کوٹکٹ کے حوالے سے گرین سگنل دے دیا گیا ہے۔ سابق تحصیل ناظم سیف اللہ خان جدون کی جانب سے الیکشن نہ لڑنے کی صورت میں مظہر خان جدون کو پی ٹی آئی کا ٹکٹ دیا جائے گا۔
