ایبٹ آبادمحکمہ تعلیم بھرتی: متاثرہ امیدواروں کا پشاورہائیکورٹ سے رجوع۔

درجہ چہارم کی آسامیوں کہ پھرتی نہ ہونے پر امیدواروں نے ہائیکورٹ میں پٹیشن دائر کر دی
ایبٹ آباد(وائس آف ہزارہ) ڈسٹرکٹ ایجوکیشن آفیسر (زنانہ) ایبٹ آباد کے زیر اہتمام درجہ چہارم ملازمین کی خالی آسامیوں پر بھرتی نہ ہونے پر متاثرہ کامیاب امیدواروں نے ہائی کورٹ ایبٹ آباد بینچ میں رٹ پٹیشن دائر کر دی۔ عدالت نے 2023-04-06 کو سماعت کی تاریخ مقرر کر دی اور محکمہ تعلیم کو نوٹسز جاری کر دیئے گئے۔ ڈسٹرکٹ ایجو کیشن آفیسر (زنانہ) ایبٹ آباد نے اکتوبر 2022 ء میں ضلع ایبٹ آباد میں درجہ چہارم ملازمین کی تمام خالی آسامیوں پر بھرتی کیلئے اخبار میں اشتہار دیا تھا جس پر ضلع بھر سے تقریباً 1200 افراد نے درخواستیں جمع کروا ئیں ان کا ٹیسٹ انٹرویو جنوری 2023ء میں لیا گیا ان میں سے کامیاب امیدواروں کو ملازمت پر تعیناتی کا حکم نامہ نہیں جاری کیا گیا جس پر متاثرہ کامیاب امید وار عدالت پہنچ گئے اور پشاور ہائی کورٹ ایبٹ آباد بینچ میں محکمہ کے خلاف رٹ پٹیشن دائر کر دی گئی۔ عدالت نے کیس کی سماعت کی تاریخ 2023-04-06 مقرر کر دی۔