ایبٹ آباد(وائس آف ہزارہ)پہاڑ کی کٹائی کے دوران بھاری پتھرسوزوکی گاڑی پرآگرا۔ ایک شخص جاں بحق۔ اس ضمن میں ذرائع نے وائس آف ہزارہ کو بتایاکہ تھانہ بگنوتر کی حدود سوڑی پل پر گزرنے والی سوزکی پر بھاری پتھر آلگا۔ایکسویٹر مشین جوکہ پہاڑی پر کٹائی کر رہی تھی۔آپریٹر کی غفلت سے پہاڑ کی کٹائی کے دوران ایک بھاری بھر کم پتھر سڑک سے گزرنے والی سوزوکی گاڑی پر آ گرا۔ جس کے نتیجے میں گاڑی میں سوار محمد فرید خان نامی شخص موقع پر جاں بحق ہوگیا۔ متوفی کی لاش کو ڈی ایچ کیوہسپتال منتقل کردیا گیاہے۔ متوفی کے بیٹے کی دعویداری پر پولیس نے مشین آپریٹر کیخلاف مقدمہ درج کرکے تفتیش شروع کردی ہے۔
