ایبٹ آباد (وائس آف ہزارہ) فائزہ شفیع سال 2016ء سے 2019ء تک ضلع ایبٹ آباد میں ڈسٹرکٹ ایجوکیشن آفیسر کے عہدے پر تعینات رہیں۔ اپنی تعیناتی کے دوران انہوں نے نہایت ایمانداری اور خلوص سے اپنے عہدے کا وقت گزارا۔ ان کیخلاف بہت سے لوگ میڈیا میں خبریں بھی چلاتے رہے۔ مگر فائزہ شفیع نہایت جبر اور خاموشی سے حالات کا مقابلہ کرتی رہیں۔ فائزہ شفیع نے بحیثیت ڈسٹرکٹ ایجوکیشن زنانہ کبھی اپنے نام اور عہدے کا غلط استعمال نہیں کیا۔ ان کے دور میں اساتذہ اور پرنسپل صاحبان سب عزت اور خوشی سے اپنے فرائض سرانجام دیتے رہے۔ دفتر معاملات میں بھی انکی گرفت بہت اچھی تھی اور دفتر کے اہلکار ان کے رویئے اور انصاف پسند شخصیت سے بہت مطمئن تھے۔ وائس آف ہزارہ کی ویب سائٹ پر ماضی میں انکے خلاف کچھ خبریں شائع ہوئیں۔ وہ بے بنیاد تھیں۔ جس پر ادارہ ان سے معذرت خواہ ہے۔
