حویلیاں (وائس آف ہزارہ) جائیداد کے تنازعہ پر خونی تصادم۔ فائرنگ سے حنیف خان قتل۔ اس ضمن میں ذرائع نے بتایاکہ تھانہ حویلیاں کی حدود میں واقع گاؤں بانڈہ سید خان میں دو گروپوں کے مابین جائیداد کا تنازعہ چلا آرہا تھا۔ جس پرمنگل کی شام خونی تصادم شروع ہوگیا۔ تصادم کے دوران آتشیں اسلحہ کا استعمال کیاگیا۔ فائرنگ کے دوران حنیف خان گولیاں لگنے سے جاں بحق ہوگیا۔ واقع کی اطلاع ملتے ہی پولیس کی نفری موقع پر پہنچ گئی اور لاش کو قبضے میں لیکر پوسٹمارٹم کیلئے ڈی ٹائپ ہسپتال حویلیاں منتقل کردیا۔ تھانہ حویلیاں میں مقدمہ درج کرکے مزید تفتیش شروع کردی گئی ہے۔
