ایبٹ آباد(وائس آف ہزارہ) نڑیاں میں ملک قاسم نامعلوم افراد کی فائرنگ سے شدید زخمی۔ ہسپتال منتقل۔ تھانہ کینٹ میں مقدمہ درج۔اس ضمن میں ذرائع نے وائس آف ہزارہ کو بتایاکہ ایبٹ آباد کے معروف تاجر صابر سویٹ کے ایم ڈی ملک صابر کے بیٹے ملک قاسم کو نڑیاں میں نامعلوم افراد نے قاتلانہ حملے میں اندھا دھند فائرنگ کرکے شدید زخمی کردیا۔ فائرنگ کے دوران ملک قاسم گولیاں لگنے سے شدید زخمی ہوگئے۔ جس کے بعد نامعلوم حملہ آور موقع سے فرار ہونے میں کامیاب ہو گئے۔ واقع کی اطلاع ملتے ہی پولیس کی نفری موقع پر پہنچ گئی۔ جبکہ ملک قاسم کو شدید زخمی حالت میں ایوب ٹیچنگ ہسپتال منتقل کردیاگیا ہے۔ تھانہ کینٹ میں مضروب کی رپورٹ پر نامعلوم افراد کیخلاف مقدمہ درج کرکے مزید تفتیش شروع کردی گئی ہے۔
