ایبٹ آباد(وائس آف ہزارہ)والدین کی غفلت ننھے بچے کی جان لے گئی۔حدود بانڈہ خیرعلی خان میں آٹھ سالہ بچے نے پسٹل سے کھلتے ہوئے چھ سالہ ننھے بھائی کی جان لے لی۔پولیس نے واقع کی اطلاعی رپورٹ درج کر کے واقع کی تفتیش شروع کر دی۔اس ضمن میں پولیس زرائع نے بتایا کہ گزشتہ روز بانڈہ خیرعلی خان میں والدین کی غفلت کے باعث آٹھ سالہ عزیر ولد قدیر پسٹل کے ساتھ کھیل رہا تھا کہ اسی دوران اس سے گولی چل گئی جس کے نتیجے میں اُس کا چھ سالہ بھائی عمر قدیر ولد محمد قدیر گولی لگنے سے موقع پر ہی جابحق ہو گیا اطلاع ملتے ہی پولیس موقع پر پہنچ گئی اور نعش کو قبضے میں لے کر ڈی ایچ کیو ہسپتال منتقل کیا جہاں قانونی کاروائی کے بعد نعش ورثاء کے حوالے کر دی گئی۔
