ایبٹ آباد(وائس آف ہزارہ) ایبٹ آباد میں ڈاکو راج قائم: چنار روڈ پر ڈاکوؤں نے نوجوانوں سے پچاس ہزار روپے گن پوائنٹ پر چھین لئے۔ پولیس ڈاکوؤں، کارچوروں کے سامنے بے بس ہوگئی۔ اس ضمن میں ذرائع نے بتایاکہ سیف اللہ فردوس ساکنہ بلال ٹاؤن رات دس بجے موٹرسائیکل پر اپنے دو دوستوں سیّد احتشام الحق اور حیدر علی کے ہمراہ چنار روڈ پر جا رہا تھاکہ دو موٹر سائیکلوں پہ سوار چار ڈاکووں نے رستہ روک کر اسلحہ کی نوک پر تقریبا 50 ہزار روپے لوٹ لیے اور فرار ہونے میں کامیاب ہو گئے۔سیف اللہ فردوس نے اپنے دوستوں کے ہمراہ تھانہ کینٹ میں رپورٹ درج کروا دی۔پولیس ابھی تک ڈاکووں کو پکڑنے میں ناکام۔ ایبٹ آباد جیسے پر امن شہر میں ڈاکووں کی دیدہ دلیری اور وارداتوں میں اضافہ انتہائی تشویشناک صورتحال اختیار کر چکا ہے۔
