ایبٹ آباد(وائس آف ہزارہ) جھنگی سیّداں میں مکان سے نوجوان کی گولی لگی لاش برآمد۔ اس ضمن میں ذرائع نے بتایا کہ پشاور کے رہائشی محمد حسنین ولد غلام مصطفی نے اپنے بیوی بچوں کے ہمراہ جھنگی سیّداں میں رہائش اختیار کی ہوئی تھی۔ دو ماہ قبل محمد حسنین کی بیوی ثوبیہ ناہیدناراض ہو کر بچوں سمیت میکے چلی گئی۔ہفتہ کے روزمحمد حسنین کی گولی لگی لاش گھر سے ملی اور لاش کے قریب سے تیس بور پستول بھی ملا۔ واقع کی اطلاع ملتے ہی پولیس موقع پر پہنچ گئی اور لاش کو ہسپتال منتقل کر دیا۔ پولیس کے مطابق محمد حسنین نے بیوی بچوں کی عدم آبادی پر خودکشی کی۔ واقعہ کی رپورٹ درج کرکے مزید تفتیش شروع کر دی گئی ہے۔
