ایبٹ آباد (وائس آف ہزارہ) قریبی رشتہ داروں نے چھریوں کے پے درپے وار کرکے نوجوان کو شدید زخمی کردیا۔تشویشناک حالت میں راولپنڈی منتقل۔ اس ضمن میں گاؤں پیکونکر، مولیا ایبٹ آبادکے رہائشی ہارون الرشید ولد عبدالرشید نے تھانہ رتہ امرال، ضلع راولپنڈی میں رپورٹ درج کراتے ہوئے بتایاکہ میرے بھائی محمد بابر ولدل عبدالرشید کو قریبی رشتہ داروں محمد وحید، محمد تنویر اور دیگر نے چھریوں کے پے درپے وار کرکے شدید زخمی کردیا ہے۔ ملزمان میرے بھائی کو قتل کرنا چاہتے تھے۔ تاہم چھریوں کے وار کرکے فرار ہوگئے۔ تھانہ رتہ امرال میں زیر دفعہ 324, 34پی پی سی ملزمان کیخلا ف مقدمہ درج کر لیا گیاہے۔ جبکہ محمد بابر تشویشناک ھالت میں ڈی ایچ کیو ہسپتال راولپنڈی کے آئی سی یو وارڈ میں زیر علاج ہے۔
