ایبٹ آباد(وائس آف ہزارہ)نسیم خان کی ایک اور بڑی کارروائی:گل خان چارسوگرام آئس سمیت گرفتار۔اس ضمن میں ذرائع نے بتایاکہ ایکسائز سب انسپکٹرنسیم خان اہلکاروں کے ہمراہ حسب معمول پانو چوک، سی پیک روڈ مانسہرہ پرگاڑیوں کی چیکنگ میں مصروف تھے کہ ایک شخص بغیرنمبر پلیٹ والے موٹرسائیکل پر وہاں پہنچا۔ جس کو روک کر تلاشی لی گئی توقومی شناختی کارڈ اور موبائل فون برآمد ہوا۔ موٹرسائیکل کی تلاشی کے دوران دائیں ٹاپے کے اندر سے ایک نیلے رنگ کا شاپنگ بیگ برآمد ہوا۔ جس کو کھول کر چیک کیا گیا تو وہ آئس نکلی۔ جس کا بذریعہ ڈیجیٹل کانٹا وزن کیا گیا تو وہ 405گرام نکلی۔ جس پر موٹرسائیکل سوار گل خان ولد محمد رنگین سکنہ بفہ مانسہرہ کو گرفتار کرکے تھانہ ایکسائز اینڈ نارکاٹکس میں علت نمبر85/21 زیر دفعہ 11B-CNSA مقدمہ درج کرکے مزید تفتیش شروع کردی ہے۔
