ایبٹ آباد (وائس آف ہزارہ) نو تعینات ڈی پی او ایبٹ آباد سجاد خان نے اپنے عہدے کا چارج سنبھال لیا۔پولیس لائن آمد پر ایڈیشنل ایس پی، ایس پی ٹریفک، ایس پی انوسٹگیشن اور دیگر سینئر پولیس افسران نے خوش آمدید کہا، جبکہ ڈی پی او ایبٹ آباد کو پولیس کے چاق وچوبند دستے نے سلامی پیش کی، اس موقع پر ڈی پی او ایبٹ آباد نے یادگار شہداء پر حاضری دی، پھول چڑھائے اور فاتحہ خوانی کی، بعد از سینئر پولیس افسران، اور سٹاف کے ہمراہ تعارفی ملاقات کی اور باضابطہ طور پر ایبٹ آباد پولیس کا بطور سربراہ چارج سنبھال لیا۔
