ایبٹ آباد(وائس آف ہزارہ) نسیم خان کی قلندرآباد انٹرچینج پر کارروائی: منشیات کا سمگلرتین کلوچرس سمیت گرفتار۔ اس ضمن میں ذرائع نے وائس آف ہزارہ کو بتایاکہ ایکسائز انٹیلی جنس بیورو ہزارہ ریجن کے سب انسپکٹر نسیم خان نے قلندرآباد انٹرچینج پرسرخ رنگ کی خیبرموٹرکار نمبر: RIV-7528کو روکا۔ ڈرائیور کی تلاشی کے دوران کچھ برآمد نہ ہوا۔ تاہم گاڑی کی تلاشی کے دوران پچھلے دروازے میں چھپائی گئی تین کلوگرام اعلیٰ کوالٹی کی چرس برآمد ہوئی۔ جس کا موقع پر وزن کیا گیا تو2939گرام نکلی۔ جس پر گاڑی میں سوار ملزم محمد اسد آفریدی ولد آجرالدین سکنہ کھجوری، تحصیل باڑہ، خیبرایجنسی کو گرفتار کرکے تھانہ ایکسائز اینڈ نارکاٹکس ہزارہ ریجن میں زیر دفعہ نائن ڈی، سی این ایس اے کے تحت ایف آئی آر درج کرلی ہے۔ ملزم سے مزید تفتیش جاری ہے۔
