اے پی ایس میں آن لائن ایجوکیشن سسٹم کا آغاز کر دیا گیا ایبٹ آباد پبلک اسکول نے گوگل اور نجی ادارے کے تعاون سے ڈیجیٹل ورلڈ کا اہم سنگ میل عبور کر لیاطلباء کو آن لائن تعلیمی نظام کے زریعے بہتر انداز میں تعلیم کی فراہمی ممکن ہو سکے گی۔ایبٹ آبادپبلک اسکول کے بورڈ بورڈ آف گورنرزکی زیر نگرانی اور وزیر تعلیم شہرام خان تراکئی کی زیر سرپرستی پاکستان کی بہترین اورمنفرد تعلیمی اداروں میں سے ایک ایبٹ آباد پبلک اسکول کامیابی کے ساتھ ڈیجیٹل دنیا کا حصہ بن گیا ہے۔گوگل اورنجی ادارے کی مدد سے وبائی امراض کے دوران طلباء اب اپنے گھر سے کلاسز لے سکیں گے،کوویڈ 19 میں آنے والی تمام منفی چیزوں کے ساتھ، کچھ اچھی چیزیں بھی ہوئی ہیں،خاص طور پر تعلیم کے شعبے میں بہت سے نئے تجربات سے بہتری بھی آئے گی ایبٹ آباد پبلک اسکول نے اپنے اسکول کے لئے ”جی سوٹ فار ایجوکیشن” کو اپنایا ہے تاکہ دور دراز کے ماحول میں سیکھنے کے عمل کو برقرار رکھا جاسکے۔ اس مقصد کیلئے اساتذہ کو تربیت دی جائے گی اور اس کے ذریعہ ایک ایسا پروگرام بنایا جائے گا جس کا ڈیزائن گوگل کے ذریعہ گوگل سرٹیفائیڈ ایجوکیٹر (جی سی ای) کے ذریعہ بنایا گیا ہے۔
ورچوئل سسٹم کی افتتاحی تقریب میں شمعون ہاشمی ایڈیشنل سیکرٹری قومی اسمبلی پاکستان بطور مہمان خصوصی مدعو کیا گیا جو خود ایک سابق اے پی ایس کے طالب علم ہیں اور ایبٹ آباد پبلک اسکول کے بورڈ آف گورنرز کے ممبر ہیں۔ شمعمون ہاشمی نے اسکول اور اس کے اساتذہ کی کاوشوں کو سراہتے ہوئے کہا کہ ”یہ ڈیجیٹل تبدیلی ایبٹ آباد پبلک سکول کے لئے اعزاز کی بات ہے جو میری مادر علمی بھی ہے اور اس کے اساتذہ کے لئے بھی ایک تحفہ ہے جو نوجوانوں کو تعلیم دلانے میں انتھک محنت کر رہے ہیں اوروبائی امراض کے دوران بھی گوگل فار ایجوکیشن کے ایک حصے کے طور پر ایبٹ آباد پبلک اسکول نے ثقافتی اور بنیادی ڈھانچے میں بہت تیزی لائی ہے جہاں اساتذہ کو مناسب موقع فراہم کرنے اور طلباء کو اس میں شامل ہونے کے لئے جدید دور کی ایپلی کیشنز کی ضرورت ہے۔
ورچوئل کلاسز وزیر اعظم کے ڈیجیٹل پاکستان کے وژن کے تحت یہ ڈیجیٹلائزیشن کی طرف ایک پہلا قدم ہے.اس موقع پر ایبٹ آباد پبلک اسکول کے پرنسپل، پروفیسر ڈاکٹر سید وقار علی رضوی نے تقریب کی مہمان خصوصی شمعون ہاشمی کا شکریہ ادا کیا۔
