ایبٹ آباد(وائس آف ہزارہ) نتھیاگلی سے قیمتی کرولاکار چوری کرلی گئی۔ اس ضمن میں ذرائع نے وائس آف ہزارہ کو بتایاکہ گزشتہ رات احمد نامی شخص نے اپنی کرولاالٹس کار نمبری: LT-42کالاباغ روڈ پر کھڑی کی۔ رات کے وقت نامعلوم کارلفٹروں نے گاڑی کے لاک کھول لئے اور گاڑی چوری کرکے فرار ہوگئے۔ علاقہ میں سردی کی وجہ سے پولیس اہلکار گشت پر موجود نہیں ہوتے۔ جس کی وجہ سے کارلفٹرگاڑی باآسانی لیکر فرار ہوگئے۔ صبح جب گاڑی کا مالک موقع پر آیا تو اس کی گاڑی غائب تھی۔ جس کی اطلاع پولیس کو دی گئی۔ پولیس نے پورے ہزارہ میں ناکہ بندیاں کروائیں۔ لیکن گاڑی کا سراغ نہیں مل سکا۔
