ایبٹ آباد (وائس آف ہزارہ) نمازتراویح کے بعددونوجوانوں کو قتل کردیاگیا۔ مقدمات درج۔ اس ضمن میں پولیس ذرائع نے بتایاکہ پولیس چوکی رجوعیہ کی حدود میں واقع گاؤں بانڈہ سید خان میں خاورخان ولد ریاض خان نامی شخص نے محبوب شہزاد ولد امجد خان کوچھریوں کے پے درپے وار کرکے شدیدزخمی کردیا اور موقع سے فرار ہوگیا۔ محبوب شہزاد کو ہسپتال پہنچایاگیا۔ لیکن خون زیادہ بہہ جانے کی وجہ سے وہ جاں بحق ہوگیا۔ پوسٹمارٹم کے بعد محبوب شہزاد کی لاش ورثاء کے حوالے کردی گئی۔ تھانہ حویلیاں میں مقدمہ درج کرکے مزید تفتیش شروع کردی گئی ہے۔
جبکہ دوسرے واقع میں افغان کیمپ ہری پور میں نماز تراویح کی ادائیگی کے دوران مسجد میں فائرنگ کرکے ایک افغان شہری کو قتل کردیاگیا۔ ملزمان وقوعہ کے بعد فرار ہونے میں کامیاب ہوگئے۔ ملزمان کی گرفتاری کیلئے پولیس نے ناکہ بندیاں کرر رکھی ہیں۔
