ایبٹ آباد(وائس آف ہزارہ) میرامیرپور میں موٹرکارحادثے کا شکار۔ ایوب ٹیچنگ ہسپتال کی نرسنگ سپروائزر جمیلہ چھ سالہ بیٹی سمیت جاں بحق۔ دو بچیاں اور ڈرائیور شدید زخمی۔ اس ضمن میں ذرائع نے وائس آف ہزارہ کو بتایاکہ ایوب ٹیچنگ ہسپتال کے سرجیکل اے یونٹ میں فرائض سرانجام دینے والی نرسنگ سپروائزر جمیلہ ہفتہ کی شام میرامیرپور سے جا رہی تھیں کہ ان کی گاڑی ڈرائیور سے بے قابو ہر کرگہری کھائی میں جاگری۔ جس کے نتیجے میں جمیلہ اور ان کی چھ سالہ بیٹی موقع پر جاں بحق ہو گئیں۔ جبکہ دو بیٹیاں اور ڈرائیور شدید زخمی ہوگئے۔ حادثے کی اطلاع ملتے ہی مقامی لوگ موقع پر پہنچ گئے۔ لاشوں اور زخمیوں کو گاڑی سے نکال کر ایوب ٹیچنگ ہسپتال منتقل کردیا۔