مانسہرہ(وائس آف ہزارہ)ڈی پی او مانسہرہ سجاد خان کی ہدایات پرضلع بھر میں قبضہ مافیا کے خلاف کریک ڈاؤن جاری، مزید ایک گرفتار، فراڈ دھوکہ دہی سمیت زمین پر قبضہ کرنے کی دفعات کے تحت مقدمہ درج۔پولیس ذرائع کے مطابق کھواڑی کے رہائشی اشتیاق ولد شبیر احمد نے ڈی پی او مانسہرہ کو ایک تحریری درخواست دی کہ اس نے پوٹھا میں سال 2005 میں 8مرلہ کا پلاٹ خریدا تھا۔جس پر پھکوال کے رہائشی دلدار ترک ولد غلام سرور جو کہ قبضہ مافیا کا سرگرم رکن ہے نے قبضہ کرلیاہے۔علاوہ ازیں اس نے 27مرلہ کا ایک اورپلاٹ پوٹھا میں دکھا کر جھانسہ دیکر مجھ سے مزید1لاکھ 40ہزار روپے لے لئے ہیں۔اب نہ تو پلاٹ دیتاہے اور نہ ہی پیسے واپس کرتا ہے۔دلدار ترک کے خلاف تھانہ صدر میں فراڈ اور زمین پرقبضہ کرنیکی دفعات کے تحت مقدمہ درج کرکے ملزم کو گرفتارکرکے تفتیش کا آغاز کردیا ہے۔
