ایبٹ آباد (وائس آف ہزارہ)پی ٹی آئی کے رہنماء نے اپنے سکول کی تین برانچوں کو فروخت کردیا۔ پرنسپل، ٹیچرزسمیت تمام عملے کو چارماہ کی تنخواہوں کی ادائیگی کے بغیر فارغ کردیاگیا۔ اس ضمن میں مبینہ ذرائع نے بتایاکہ پاکستان تحریک انصاف کے رہنماء نے اپنے نجی سکول مین، مانسہرہ اور سٹی برانچ کو فروخت کردیا ہے۔سکول میں پچھلے بیس بیس سال سے ملازمت کرنے والے تمام ملازمین کو چوبیس دسمبر سے ملازمتوں سے فارغ کردیا ہے۔ ملازمین کے مطابق ہمیں پچھلے چار ماہ سے تنخواہوں کی ادائیگی بھی نہیں کی گئی۔تمام ملازمین کو ملازمتوں سے فارغ کرنے کے انفرادی طور پر نوٹس جاری کر دیئے گئے ہیں۔ ذرائع کے مطابق چوبیس دسمبر سے سکول کو بند کردیاجائے گا۔
