ایبٹ آباد(وائس آف ہزارہ) حویلیاں اور گردونواح کے علاقوں میں طوفانی بارش کے ساتھ ژالہ باری کئی مقامات پر شدید بارش سے کچے مکانات گرنے کی اطلاعات کئی علاقوں کو جانے والے والے راستے بند ہو کر رہ گئے۔ذرائع کے مطابق گزشتہ روز حویلیاں شہر اور گردونواح کے علاقوں میں شدید بارش اور ژالہ باری سے مختلف مقامات سے نقصانات کی اطلاعات موصول ہوئی ہیں جن میں کئی لوگوں کے جانوروں کے باڑے اور کچے مکانات کو نقصان پہنچا اسی طرح کئی علاقوں میں شدید بارش سے کچی سڑکیں سخت متاثر ہوئیں جسکی وجہ سے ان علاقوں کے راستے بند ہو کر رہ گئے شہر کے اندر سخت بارش سے سڑکوں پر پانی پھیل گیا اور پیدل چلنا مشکل ہو کر رہ گیا گلیوں محلوں میں پانی گھروں میں داخل ہوا جس سے شہریوں کو نقصان اٹھانا پڑا۔
